Irani vijon të mbetet në një konflikt të hapur civil me protestat që vijojnë kundër regjimit që udhëheq vendin pas vrasjes së një vajze të re. Janë të shumtë personat që janë burgosur pasi morën pjesë në protestë ndërsa mes tyre ishte edhe një futbollist, Amir Nasr-Azadani.
Ky i fundit i ndaluar në shtator të vitit 2022, rrezikonte edhe dënimin me vdekje, por në fund, edhe për shkak se Azdani është pjesë e botës së sportit dhe konsiderohet si një person që përçon vlerë në shoqëri, është dënuar me 26 vite burg teksa do të kryejë 16. Tashmë, karriera e mbrojtësit mund të konsiderohet e përfunduar teksa në të kaluarën Azdani është aktivizuar edhe me kombëtaren U16 të Iranit.
Nga ana tjetër, për fatin e tyre të keq, tre persona të tjerë nuk mundën të shpëtonin nga dënimi i regjimit dhe si pasojë u dënuan me ekzekutim.
