Është dhënë masa e sigurisë për Orjana Gremin, 32-vjeçaren që hodhi në Lumin Kir foshnjen e saj.
Me xhup të kuq, me kapelen ngritur dhe kokën ulur, Orjana Gremi u mor nga një oficere grua nga ambientet e paraburgimit në Drejtorinë Vendore të Policisë Shkodër për tu dërguar në Gjykatë, atje ku u njoh edhe me masën e sigurisë “Arrest me burg”.
Avokati Bruno Pepaj e ka kërkuar ndryshimin e veprës penale nga “vrasje në rrethana të tjera cilësuese” në “vrasje e të miturve”. Kjo kërkesë është hedhur poshtë nga gjyktata, ndërsa pritet që Gremi ti nënshtrohet edhe një ekspertize psikologjike për gjendjen e saj të shëndetit mendor.
