Dy të plagosur kanë mbetur nga një aksident që ka ndodhur në një rrugë në fshatin Smollik të Bulqizës, që të lidh me rrugën e Arbrit.
Një makinë ka dalë nga rruga dhe ka përfunduar në greminë, e për pasojë janë plagosur drejtuesi i mjetit dhe pasagjeri.
Sipas policisë, të lënduarit, një 44-vjeçar dhe një 18-vjeçar, janë jashtë rrezikut për jetën
“Rreth orës 17.30, në fshatin Smollik, Bulqizë, shtetasi J.T., 44 vjeç, duke drejtuar automjetin tip ‘Benz’, ka humbur kontrollin mbi automjet dhe ka dalë nga rruga. Si pasojë është lenduar drejtuesi i mjetit dhe pasagjeri shtetasi O.T., 18 vjeç, të cilët po marrin ndihmë mjekësore në spital dhe ndodhen jashtë rrezikut për jetën. Grupi hetimor po kryen hetimet në vendngjarje për zbardhjen e shkaqeve të aksidentit”, njoftoi policia.
