Banorët e Bërxullës, janë mbledhur sërish ditën e sotme në protestë për projektin Thumanë-Kashar, ku janë 22 banesa që preken nga ky projekt.
Në një prononcim për mediat ata kanë thënë se nuk janë kundër projektit po kundër dëmshpërblimit dhe nuk kanë pasur asnjë vendim nga qeveria. Cmimin e referencës e kanë konsideruar qesharak.
“Ky projekt është i paligjshëm, nuk ka leje. Ne i bëjmë thirrje institucioneve të na vënë në dijeni, për vlerën e pronës dhe projektin, se nuk ka akoma, si do zhvillohet nuk e di”– ka thënë një prej banorëve të Bërxullës.
Këta banorë po protestojnë prej gati 2 muajsh dhe kërkojnë transparencë sa i takon projektit Thumanë-Kashar, që prek banesat e tyre.
