Policia e Kosovës ka kryer kontrolle në shtëpinë Dibran Hoxhës, të njohur si “Kobra”, i cili dyshohet se është autori i vrasjes së 31 vjeçarit nga Kukësi, Visart Cengu dhe plagosjes së 27 vjeçarit Rufgen Shehu pas një konflikti.
Policia ka gjetur një kasafortë në banesë. Mediat vendase, bëjnë të ditur se kasaforta ende nuk është hapur, pasi pritet që të zhvillohen disa proçedura, përfshirë marrjen e disa urdhëresave dhe ftesën e Njësisë kundër Eksplozivëve.
Gjatë kontrolleve po ashtu është gjetur një granatë dore dhe disa fishekë. Kasaforta, ishte e kamufluar në disa hapësira në shtëpinë e Hoxhës.
Përveç Hoxhës, për këtë rast janë arrestuar edhe pesë persona të tjerë. Gjykata e Prizrenit ka caktuar masën e paraburgimit prej një muaj për 6 të arrestuarit.
Të ndaluarit janë, Dibran Hoxhaj 38 vjeç, Enver Amrllahi 35 vjeç, Jesmir Badallaj 46 vjeç, Burim Mazreku 28 vjeç, Arben Vezaj 38 vjeç, Kujtim Gashi 39 vjeç.
