Manchester United ka kaluar fazën 1/32 të FA CUP, pas fitores 3-1 ndaj Everton.
Ndeshja u zhbllokua shumë shpejt. Ishte Antony që dërgoi topin në rrjetë, pas një assisti të Rashford. Barazimi do vinte në minutën e 14-të me Coadyn.
Po Coady, mbrojtësi anglez do bëhej sërish protagonist, por për keq, pasi do shënonte në portën e gabuar, duke i dhënë kështu avantazhin për të dytën herë në këtë sfidë ekipit të “Djajve të Kuq”.
Në fund pati kohë edhe për golin e Rashford, me penallti.
Skuadra e drejtuar nga Ten Haag është një nga pretendentet për t’i shkuar deri në fund rrugëtimit të Kupës.
