Tre policë u vranë në Sinaloa, Meksikë, pas arrestimit të djalit të bosit të njohur të drogës El Chapo.
Ovidio Guzmán-López, u arrestua në qytetin Culiacan dhe u transferua në Mexico City, raportoi “BBC”
Anëtarët e bandës vendosën bllokada rrugësh, dogjën automjete dhe sulmuan aeroportin lokal, gjatë të cilit u qëlluan dy avionë, njëri pak para nisjes.
Më shumë se 100 fluturime u anuluan në tre aeroporte në Sinaloa. Guvernatori i shtetit tha dje se 18 persona u plagosën dhe ndodhen në spital.
Guzmán-López, i njohur me pseudonimin “Mish”, akuzohet se ka drejtuar një fraksion të kartelit famëkeq të drogës Sinaloa, tha Sekretari i Mbrojtjes Luis Crecenicio Sandoval.
Babai i tij, Joaquin Guzmán i njohur ndryshe si El Chapo, po vuan një dënim të përjetshëm në SHBA pasi u shpall fajtor në vitin 2019 për trafik droge dhe pastrim parash.
