Kandidati i opozitës për Bashkinë e Tiranës në zgjedhjet e 14 majit, Belind Këlliçi ka reaguar menjëherë pasi Tirana u rendit si kryeqyteti i fundit në Europë për cilësinë e jetesës.
Gjatë një postimi në rrjetet sociale, Belind Këlliçi nuk ndal akuzat ndaj rivalit të tij Erion Veliajt për të cilin thotë se ka harruar qytetarët por çdo ditë mendon për pushtetin e tij.
Postimi i plotë:
“Tirana, e fundit nga Europa për cilësinë e jetës.
Kjo është renditja botërore nga Numbeo, ku shihet se Guatemala dhe Nairobi i Kenias qëndrojnë më lart.
Qyteti Dnipro në Ukrainën e shkatërruar nga lufta ka cilësi jete më të mirë se Tirana.
Meritë të padiskutueshme për këtë arritje ka Bashkia Tiranë dhe Veliaj që lufton për 3 mandate pushtet. Edhe 4 muaj humbje kohe. Më 14 maj #FitojmëTiranën!”
