Lionel Messi mund ta kalojë Cristiano Ronaldon për sa i përket fitimeve të marra nga profili në Instagram. Sot është asi portugez ai që kryeson klasifikimin special me mbi 2.2 milionë euro të fituara falë markës së tij dhe sponsorizimeve të shumta të ish-Real Madridit dhe Juventusit.
Pas portugezit këtu qëndron Pleshti me një shifër afër 1.7 milionë euro. Lojtari indian i kriketit, Virat Kohli, mbyll podiumin me pak më shumë se një milion. Më të shkëputur janë braziliani Neymar dhe asi i NBA-së, LeBron James. Gjithsesi, arritjet e numrit 10 argjentinas në Katar mund t’i garantojnë së shpejti atij të kalojë rivalin e tij të të gjitha kohërave.
Me Kupën e Botës të fituar në Katar, Messi është më afër se kurrë për të kaluar Cristiano Ronaldon për sa i përket fitimeve që rrjedhin nga profilet e rrjeteve sociale: një kupë botërore që do të jetë në gjendje t’i garantojë Messit një ‘thesar’ prej mbi 10 milionë euro.
E gjithë kjo falë promovimit nga ana e ‘Pleshtit’ të birrës Budweiser, videol-ojërave Call of Duty dhe eFootball, pijes energjike Gatorade, shkëmbyesit të kriptomonedhave Bitget dhe kompanisë së syzeve artificiale Orcam në profilin e tyre në Instagram.
Messi ka marrë edhe një rekord prej 75 milionë pëlqimesh për këtë të fundit falë fotos që e tregon duke e ngritur Kupën e Botës në qiell në Doha, shifrave të cilave u shtohen edhe mbi 50 milionë “pëlqimet” për fotografinë historike të legjendës në gjumë pranë trofeut.
Sulmuesi i PSG-së ka 414 milionë ndjekës në Instagram deri më sot, shumë prapa 528 milionëve të yllit të ri të Al-Nassr. Jehona e Kupës së Botës, megjithatë, mund të sjellë parakalimin e afërt të Pleshtit.
