Teuta ka zyrtarizuar përfundimin e bashkëpunimit me dy lojtarë. Me anë të një njoftimi në rrjetet sociale, durrsakët bëjnë me dije se Rubin Hebaj dhe Dejvid Kapllani nuk janë më pjesë e ekipit.
“Rubin Hebaj, nuk do të jetë më pjesë e skuadrës blu. KF Teuta falënderon sulmesin @rubinnhebajj për kontributin e tije me fanelën e Teutes, duke iu uruar shumë fat dhe suksese në vazhdim të karrierës.
Faleminderit Dejvid Kapllani! Klubi i futbollit Teuta njofton se ka shkëputur marrëveshjen me sulmesin @kapllani99. Falenderojmë lojtarin në fjalë për kontributin e dhënë gjatë kohës që ishte pjesë e jona. Ne i urojmë Kapllanit suksese në jetë dhe në karrierë” – Shkruan klubi.
Hebaj ka luajtur me “Djemtë e Detit” në 15 ndeshje të këtij sezoni në Abissnet Superiore (1143 minuta) teksa ka shënuar një gol. Kapllani ka zhvilluar dy ndeshje në kampionat.
