Një familje shqiptare që jeton në Livorno të Italisë ka rënë pre e një sulmi, pasditen e djeshme.
Raportohet se një grup tunizianësh prej 5 personash kanë shkuar të armatosur në shtëpinë e tyre për të zgjidhur një konflikt që mendohet se kishte mbetur pezull.
Në atë moment kalimtarët kanë vënë re grupin që po i drejtohej shtëpisë me armë dhe thika dhe kanë lajmëruar forcat policore.
Kështu policia ka arritur në vendin e ngjarjes ku kanë bërë të mundur dhe shmangien e dëmeve në njerëz. Grupi është arratisur në momentin që ka dëgjuar sirenat e policisë.
Sipas mendrave italiane, familja shqiptare ishte e integruar në lagjen ku jetonte.
Një hetim ka nisur për zbardhjen e ngjarjes.
