Një luan sulmon një zbutës kafshës në Rusi. Momenti është kapur nga një video që më pas është bërë virale. Kafsha kafshon 42-vjeçarin Alexey Makarenko gjatë një shfaqjeje para fëmijëve dhe prindërve të tyre në Soçi.
Gruaja e tij, 43-vjeçarja Olga Borisova, e cila gjithashtu stërvit kafshë, e shtyu luanin në dyshemenë ecirkut kur ai sulmoi burrin e saj.
Gjithçka filloi me një përleshje mes dy luanëve meshkuj gjatë shfaqjes para 1200 spektatorëve, sipas Daily Mail. Makarenko u përpoq të ndante dy kafshët me një luan të tretë që e sulmoi.
Gruaja e tij vrapoi në ndihmë të tij, ndërsa punonjësit e cirkut përdorën topa uji dhe fishekzjarre për të larguar luanët.
Pavarësisht sulmit, çifti u përkul para publikut sikur të mos kishte ndodhur asgjë… Në fakt, disa shikues menduan se e gjitha ishte pjesë e shfaqjes.
Në fakt, Borisova e shpëtoi atë nga vdekja e sigurt, sipas kreut të Cirkut të Madh Shtetëror të Moskës, Edgard Zapashny.
