Një zjarr i përmasave të mëdha ka përfshirë një fabrikë të prodhimit të sfungjerit në fshatin Katund i Ri të Elbasanit.
Policia bën me dije se objekti që është përfshirë nga flakët është në pronësi të shtetasit Florenc Salibashi, ndërsa e gjithë zona është përfshirë nga një re e madhe tymi. Uniformat blu bëjnë me dije se paraprakisht dyshohet se zjarri ka ardhur si pasojë e një defekti në sistemin elektrik të këtij biznesi.
“Rreth orës 10:20, në fshatin Katund i Ri, Elbasan, ka rënë zjarr në një subjekt privat (fabrikë për prodhimin e sfungjerit), në pronësi të shtetasit F. B., 53 vjeç., banues në lagjen “Dyli Haxhire”, Elbasan. Si pasojë, janë shkaktuar vetëm dëme materiale.
Paraprakisht, dyshohet se zjarri ka rënë si pasojë e një defekti në sistemin elektrik të objektit të këtij biznesi. Shërbimet zjarrfikëse vijojnë punën për shuarjen e zjarrit”, thuhet në njoftimin e policisë.
Grupi hetimor ndodhet në vendngjarje, me qëllim zbardhjen e shkakut të rënies së zjarrit.
