Banorët e Big Brother Albania Vip rrëfejnë herë pas herë histori interesante apo episode me peshë specifike nga jeta e tyre.
Në një nga këto rrëfime, aktori Amos Muji Zaharia ka treguar historinë e një nate ‘tmerri’ në avion, kur ndodhej në të njëjtin fluturim me kryedemokratin Sali Berisha.
Aktori tha se gjatë udhëtimit kishte pasur shumë turbulenca, por se ai ishte ndjerë i sigurtë vetëm se udhëtonte me numrin një të opozitës në bord.
“Vetëm kur shoh një njeri që po afrohej, hipi në avion me Berishën. Ka qenë nata më e tmerrshme me turbulenca. Por nuk e kam çarë kokën për asnjë moment. Thashë për aq kohë sa jam në avion me njeri, mua s’ka për të më gjetur asnjë gjë. Siguri the? Nuk e çaja kohën fare. Jo njeriu me pushtet, Sali Berisha“, tregoi aktori.
