Albano Velo dhe Andrew (Edvin) Bode janë identifikuar si dy autorët e atentatit të 16 Dhjetorit, ku u vra në hyrje të një loklai në zonën e Selitës në Tiranë biznesmeni Edmond Papa.
I pari është arrestuar dhe ndodhet pas hekurave, ndërsa i dyti është ende në kërkim nga policia. Sipas hetimeve, Andrew (Edvin) Bode ka patur rolin e ekzekutorit, ndërsa Albano Velo atë të organizatorit dhe vëzhguesit, teksa ka larguar me makinë nga vendi i ngjarjes edhe Boden pas atentatit.
Por, nga fotot e postuara në rrjetet sociale Andrew (Edvin) Bode dhe Albano Velo duket se kanë miqësi të hershme me njëri-tjetrin. Ata shfaqen në dreka së bashku dhe me miq të tjerë apo edhe në pushime.
Nuk dihet nëse kanë patur të dy interes për ta vrarë Edmond Papën apo Andrew (Edvin) Bode është paguar nga Albano Velo. Dyshohet se vrasja ka ndodhur për hakmarrje, pas vrasjes së Aleksandër Sadikajt, i cili ka qenë kunati i Albano Velos.
