Një viktimë ddhe një i plagosur ishte bilanci i incidentit të rëndë që ndodhi në orët e para të mëngjesit në lokalin “Kobra City” në Prizren, ku pronari i shumë përfolur pas një debate të lindur për një faturë 400 euro, ka qëlluar me armë në drejtim të makinës së tre klientëve nga Kukësi.
Për pasojë vdiq gjatë rrugës për në spitalin e Kukësit, 31-vjeçari Visart Cengu, i cili jetonte në Francë dhe ishte kthyer për të kaluar festat e fundvitit në atdhe.
Lidhur me ngjarjen tragjike ka folur edhe xhaxhai i viktimës, Besim Cengu. Në një prononcim për Klan Kosovën, ai tha se nipi i tij ishte qëlluar në makinë nga prapa.
“Nipi im është gjuajtur brenda veturës nga pas, sepse edhe predha ka qenë në shpinë dhe e ka kapur mushkërinë dhe një pjesë të zemrës dhe djali ka vdekur në vend”, tha Cengu.
Sakaq, lidhur me rastin janë arrestuar gjashtë persona, në mesin e tyre si i dyshuar kryesor pronari i “Kobra City”, Dibran Hoxhaj.
