Policia në Kosovë ka zbuluar detaje të reja për ngjarjen e rëndë që ndodhi në orët e para të mëngjesit të sotëm në Prizren, ku Dibran Hoxhaj qëlloi me armë në drejtim të makinës me të cilën udhëtonin 3 djem nga Kukësi, duke lënë të vdekur 31-vjeçarin Visart Cengu dhe të plagosur rëndë mikun e tij Rufgen Shehu (27-vjeç).
Sipas autoriteteve kosovare pesë persona të tjerë janë shoqëruar në polici pas sherrit që nisi në lokalin “Kobra City”.
I arrestuari kryesor është pronari i “Kobra City”, Dibran Hoxhaj, i cili akuzohet sse ka qëlluar në drejtim të dy të rinjve nga Kukësi.
Ndërkohë ndaj 5 të arrestuarve të tjerë është vendosur masa e ndalimit prej 48 orësh.
Të ndaluarit janë, Dibran Hoxhaj 38 vjeç, Enver Amrllahi 35 vjeç, Jesmir Badallaj 46 vjeç, Burim Mazreku 28 vjeç, Arben Vezaj 38 vjeç, Kujtim Gashi 39 vjeç.
