Tani është zyrtare edhe nga klubi saudit, Cristiano Ronaldo është lojtar i Al-Nassr. “Ylli” portugez firmos për dy sezone e gjysmë me këtë klub, deri në vitin 2025.
Shifra totale që do të përfitojë portugezi është mbi 200 milionë euro, çka e bën atë futbollistin më të paguar në botë. Pesë herë fituesi i “Topit të Artë” te klubi nga Arabia Saudite do të kalojë si lojtar i lirë, pasi Manchester United së fundmi kishte shkëputur kontratën me të.
Çmenduri absolute pas njoftimit se Cristiano Ronaldo tashmë ka nënshkruar për Al Nassr. Fansat pushtuan dyqanin zyrtar të klubit për të blerë fanella me emrin dhe numrin e portugezit.
Al Nassr është një nga klubet më të suksesshme në Arabinë Saudite, duke u kurorëzuar nëntë herë fitues i ligës më të mirë të vendit, me triumfin e tyre më të fundit në vitin 2019.
Si në vitin 2020 ashtu edhe në vitin 2021, ekipi fitoi Superkupën e Arabisë Saudite dhe aktualisht drejtohen nga francezi Rudi Garsia, i cili më parë ka drejtuar Romën, Marsejën dhe Lionin.
History in the making. This is a signing that will not only inspire our club to achieve even greater success but inspire our league, our nation and future generations, boys and girls to be the best version of themselves. Welcome @Cristiano to your new home @AlNassrFC pic.twitter.com/oan7nu8NWC
— AlNassr FC (@AlNassrFC_EN) December 30, 2022
