Gjykata e Pogradecit ka lënë në burg Erisa Ferro dhe bashkëpunëtorët e saj, për akuzën e trafikut ndërkombëtar të lëndëve narkotike.
28 vjecarja dhe dy bashkëpunëtorët e saj u ndaluan nga policia e Korçës dy ditë më parë teksa tentuan të transportojnë në Maqedoninë e Veriut një sasi prej 58 kg kanabis sativa. 28-vjeçarja ishte punonjëse pranë sektorit përkatës të e-Albania, në nivelin Specialiste. Pas ngjarjes, AKSHI reagoi thënë se kanë nisur procedurën për shkarkimin e saj nga puna.
“Pogradec/ Tentuan te transportonin drogë drejt Maqedonisë se Veriut, lihen në burg Erisa Ferro dhe dy bashkepunetorët. Gjykata e Pogradecit ka caktuar masën e sigurisë arrest me burg per 28 vjeçaren Erisa Ferro, Likmet Bashën dhe 17 vjeçarin M. K. Prokuroria ka kërkuar për tre të arrestuarit, mbi të cilët rëndon akuza e trafikut ndërkombetar të lëndeve narkotike, masën e sigurisë arrest me burg, masë të cilën gjykata e ka lenë ne fuqi”, thuhet në njoftim.
