Policia e Spanjës, ka arrëstuar ditën e sotme një shqiptar, i cili dyshohet se është pjesë e një grupi kriminal, që merret me trafikun e drogës.
Mediat spanjolle raportojnë se shqiptari është kapur në një ‘shtëpi bari’ me 637 bimë kanabis afër kryeqytetit të Cuenca. Po ashtu, nga hetimet dyshohet se ai ishte anëtar i një organizate kriminale ndërkombëtare që eksportonte drogën drejt vendeve evropiane.
Krahas akuzës së trafikut të lëndëve narkotike, ai është akuzuar edhe për mashtrimin dhe vjedhjen e energjisë elektrike, pasi për të nisur këtë infrastrukturë komplekse kërkohet një konsum i tepruar i energjisë elektrike, që zakonisht kalon 20 mijë euro në muaj, furnizimin që e marrin nëpërmjet lidhjeve të paligjshme në rrjetin elektrik.
Hetimi është ende i hapur për identifikimin dhe arrestimin e anëtarëve të tjerë të rrjetit, si dhe për të çmontuar organizatën.
