• Kontakt
Saturday, June 7, 2025
BoldNews.al

Nuk ka rezultat
View All Result
  • KRYESORE
  • INVESTIGIME
  • OP-ED
  • VETTING
  • AKTUALITET
  • POLITIKE
  • SPORT
    • Euro 2024
  • TE TJERA
    • PRIVACY POLICY
    • KONTAKT
    • EKONOMI
    • SHENDETI
    • SHOW BIZ
    • KULTURE
    • POLITIKE
    • KRONIKE
    • TEKNOLOGJI
    • VIDEOT KRYESORE TE DITES
    • VIDEO
    • BOLD BLOG
    • FOTOGRAFI
    • HOROSKOPI
    • NDRYSHE
    • RAJONI
    • BOTA
    • SOCIALE
  • ZGJEDHJE 2025
  • KRYESORE
  • INVESTIGIME
  • OP-ED
  • VETTING
  • AKTUALITET
  • POLITIKE
  • SPORT
    • Euro 2024
  • TE TJERA
    • PRIVACY POLICY
    • KONTAKT
    • EKONOMI
    • SHENDETI
    • SHOW BIZ
    • KULTURE
    • POLITIKE
    • KRONIKE
    • TEKNOLOGJI
    • VIDEOT KRYESORE TE DITES
    • VIDEO
    • BOLD BLOG
    • FOTOGRAFI
    • HOROSKOPI
    • NDRYSHE
    • RAJONI
    • BOTA
    • SOCIALE
  • ZGJEDHJE 2025
BoldNews.al
Fillimi SPORT

Colella zbërthen Partizanin, nga derbi te merkato, nuk ka “frikë” as nga titulli

18:39 : 30/12/2022
në SPORT

Partizani mbylli një vit në kushte perfekte, me fitore në derbi dhe në krye të kampionatit, i shkëputur 4 pikë në raport me Tiranën. Një meritë të pa diskutuar për këtë ecuri të “demave” ka edhe trajneri Colella, me teknikun që po thyen “tersin” e italianëve në krye të Partizanit.

Në një intervistë ekskluzive për Sport News, për moderatoren Trevisa Tufa, Colella foli për gjithçka, duke nisur nga fillimi i aventurës në kryeqytet, paragjykimet, kritikat, për të vijuar më pas me disa momente të rëndësishme gjatë këtij sezoni si derbi me Tiranën. Colella foli dhe për merkaton e janarit dhe për raportin që ka me lojtarët:

Mister, e nisët aventurën te Partizani me shumë hije dyshimi nga pas. Flas këtu për besimin që nuk kishit nga opinion publik apo tifozët. Si jeni ndjerë atë periudhë? Çfarë mendonit me vete?

Nuk kam ndjerë diçka në veçanti. Është një gjë normale sepse bëhesh pjesë e një ambienti të ri, ku nuk të njohin dhe është e drejtë që njerëzit, opinioni publik apo tifozët të krijojnë një opinion të tyrin. I kuptoj këto situata dhe nuk më shqetësojnë. Nuk është kjo një situatë që më bezdis. Është absolutisht normale në punën që bëj. Megjithatë, rëndësi ka të bësh punën tënde.

Jeni zyrtarizuar si trajneri i Partizanit vetëm 10 ditë përpara se të startonte kampionati. Morët një skuadër që nuk e kishit ndërtuar ju. Si ju duk në atë periudhë ekipi? A e mendonit se do të kishit ecuri kaq pozitive?

Përshtatja për skuadrën ka qenë e mirë që nga fillimi. Nga ky këndvështrim eksperienca të ndihmon të kuptosh më shpejt cilësinë e lojtarëve që ke në dispozicion. Megjithatë, duhet edhe të vlerësosh kampionatin, sepse nuk mund t’i kushtosh vetëm skuadrës rëndësi, por edhe kampionatit, pasi është ai që tregon nëse je skuadër e fortë apo jo?! Unë isha I bindur që mund të bëja një punë të mirë, sepse skuadra më pëlqeu dhe më pas duke u njohur  edhe më kampionatin, vlerësimi im u konfirmua.

Lexo edhe:

Rikthim i bujshëm te Partizani, Skuka firmos për tre vite

Sulmuesi titullar heziton të rinovojë me Partizanin, pritet largimi

Cila është pika e dobët e skuadrës tuaj dhe më e forta?

Eehhh, asnjë trajner nuk dëshiron t’i përgjigjet kësaj pyetje. Unë mendoj që skuadra ime ka shumë mundësi për t’u përmirësuar, individualisht apo edhe si ekip. Kështu që, unë mendoj se çdo gjë pozitive apo negative që mund të them tani, nuk ka rëndësi, sepse mund të bëjmë akoma më mirë.

A është e vështirë të mbani grupin e bashkuar, duke qenë se keni dhe presion?

Jo, jo! Janë një grup djemsh të mirë. Nuk kam pasur asnjëherë probleme, sidomos gjëra të vogla që janë normale në një grup pune. Pa diskutim që presioni ekziston, por ne nuk e përjetojmë keq sepse e marrim me qetësi.

Kush është rivali më i fortë për Partizanin deri më tani? Sepse gjërat mund të ndryshojnë pas pushimeve…

Ky është një faktor i rëndësishëm. Merkato e janarit ndryshon pak ekuilibrat. Në këtë mënyrë të bësh parashikim tani është e vështirë. Unë mendoj gjithmonë për lojtarët dhe skuadrën time dhe mendoj që kundërshtari më i fortë i Partizanit është vetë Partizani. Kështu që duhet të shohim veten tonë, si të përmirësohemi dhe të mendojmë si të bëhemi më të fortë. Më pas do të shohim të tjerët. Kampionati është i ekuilibruar dhe janë akoma shumë ndeshje për t’u luajtur. Mund të kemi 2-3 apo dhe 5 kundërshtarë në objektivat tona.

A keni ndonjë peng nga ndeshjet e luajtura deri më tani? Ndoshta në ndonjë ndeshje specifike që mund të kishit marrë më shumë pikë..

Pengjet janë gjithnjë pjesë e sportit. Keqardhje është një fjalë e madhe. Ka disa ndeshje që kemi gabuar shumë, por ka edhe takime të tjera që kemi gabuar më pak. Në fund ajo që mendoj se është e rëndësishme është vazhdimësia e performancave të mira. Në këtë mënyrë, sipas meje nuk ka kuptim të të rrish të mendosh se në mund të kishim marrë një pikë më pak apo më shumë.

Mister në dy derbi të zhvilluara, keni një bilanc me një të humbur dhe një të fituar. A mendoni se kjo sfidë vlen vetëm 3 pikë? Apo më shumë se kaq, duke parë historinë mes klubeve apo dhe tifozëve..

Derbit janë gjithmonë ndeshje të çuditshme në të gjitha vendet e botës. Nuk ekziston ende një rregull që thotë se një derbi vlen 6 pikë. Megjithatë, nëse e shohim nga ana morale apo dhe mendore ka një vlerë të madhe në krahasim me ndeshjet e tjera, sepse të jep siguri, por edhe pasiguri për vazhdimësinë. Sipas meje një derbi vlen më shumë se 3 pikë, por nëse e marrim në aspektin futbollistik janë vetëm 3 pikë në garë.

Mister do të kemi ndryshime te Partizani pas janarit në emra apo dhe në lojë? Pra, do të kemi afrime dhe largime në merkato?

Këtë vlerësim do ta bëjmë me qetësi dhe jo tani. Si fillim, ajo që unë vlerësoj është se jemi të parët në klasifikim dhe kjo tregon se nuk kemi shumë gjëra për të ndryshuar në ekip. Por pa diskutim duhet të përmirësohemi dhe ne jemi gati ta bëjmë. Mua, kjo fjala “merkato” nuk më pëlqen, nuk e duroj. Ne kemi mundësi për t’u përmirësuar, por nuk e kemi me nxitim. Duhet të mendojmë me qetësi dhe më pas të vendosim.

Cili është reparti që skuadra ka nevojë të përmirësohet?

Nuk kemi nevojë të përmirësohemi në reparte të veçanta. Nëse do të kemi mundësinë për të ndryshuar diçka do ta provojmë, por nuk është  e sigurt. Merkato e janarit ndryshon nga ajo e verës. Janë dy momente të ndryshme. Duhet të ulem dhe të vlerësoj çdo gjë me qetësi, pasi nuk kemi asgjë për të nxituar.

A e ka Partizani potencialin e duhur për t’u shpallur kampion?

Pa diskutim që potencialin e ka. Por të kesh potencial dhe të fitosh janë dy gjëra të ndryshme. Nëse nuk do të kishim potencial, nuk do të ishim të parët. Asnjë nga ne nuk ka thënë se nuk kemi mundësi për t’u shpallur kampion, apo të fshehim objektivin. Por për të fituar duhet të rregullojmë shumë gjëra, sepse jemi ende në formim e sipër.

Për t’u shpallur kampion skuadra ka nevojë për një portier të mirë. Kemi parë Rexhepin të luajë këtë sezon në 14 ndeshje, ndërkohë që në derbi luajti Alban Hoxha. Mendon se ky i fundit me eksperiencën që ka mund të ndihmojë ndoshta pak më shumë skuadrën?

Atëherë, portieri ynë i parë është Rexhepi. Ai u vra në ndeshjen e fundit dhe luajti Alban Hoxha, i cili bëri një paraqitje shumë të mirë. Madje u tregua i guximshëm që ishte gati të luante, sepse e mësoi vetëm një ditë para dhe kjo nuk është e lehtë. Të gjithë lojtarët janë të rëndësishëm për skuadrën, por më rezulton që edhe me Rexhepin në portë kemi qenë në krye të tabelës së klasifikimit./ Balkanweb

Etiketa: ColellaPartizani

Lajme të lidhura

SPORT

Rikthim i bujshëm te Partizani, Skuka firmos për tre vite

15:30 : 05/06/2025
SPORT

Sulmuesi titullar heziton të rinovojë me Partizanin, pritet largimi

19:37 : 04/06/2025
SPORT

Lamtumira e radhës te Partizani, titullari konfirmon largimin

13:43 : 01/06/2025
SPORT

ZYRTARE/ Partizani i beson të rinjve, firmos me dy talentet e akademisë

21:02 : 31/05/2025
SPORT

Partizani “peshkon” ish-talentin e Milanit, sulmuesi pranë firmës me të kuqtë

12:29 : 31/05/2025
SPORT

ZYRTARE/ Pas Taipit, një tjetër futbollist i jep lamtumirën Partizanit

16:24 : 26/05/2025
Para

VIDEO/ Olta “gati për lajmësi”: Amosi dhe Dea Mishel do bëhen çift!

TË GJITHA

“Kapje e Institucioneve nga PS”/ PD: Presidenca dhe Shkolla e Magjistraturës të përfshira në procesin zgjedhor

11:41 : 07/06/2025

O Shqipëri që s’ke pleqëri!

11:35 : 07/06/2025

Zbulohet arsenal armësh në Portin e Durrësit, fshihej në një automjet nga Kosova me destinacion Afrikën

11:20 : 07/06/2025

Sherri për parkimin në Ksamil/ Arrestohet shtetasi turk, nisin hetimet për 4 të tjerë

11:08 : 07/06/2025

Nuk e pagoi për punën e kryer, ustai dhunon pronarin e banesës në Dhërmi

11:02 : 07/06/2025

Këmbimi valutor/ Me sa blihen e shiten sot monedhat e huaja

10:50 : 07/06/2025

Kur fjala publike i shërben Serbisë: Rreziku i normalizimit të krimit përmes medias shqipe

10:38 : 07/06/2025


RRETH NESH

Boldnews.al mbetet zgjedhja e parë për një lexues i cili kërkon të informohet me saktësi për një lajm. Misioni jonë kryesor është paanshëmëria dhe profesionalizmi dhe për këtë janë të punësuar gazetarët më të mirë në tregun mediatik.
Na kontakto: [email protected]

NA NDIQ

  • Kontakt

2025 Boldnews Dev By Techzero1.com

  • KRYESORE
  • INVESTIGIME
  • OP-ED
  • VETTING
  • AKTUALITET
  • POLITIKE
  • SPORT
    • Euro 2024
  • TE TJERA
    • PRIVACY POLICY
    • KONTAKT
    • EKONOMI
    • SHENDETI
    • SHOW BIZ
    • KULTURE
    • POLITIKE
    • KRONIKE
    • TEKNOLOGJI
    • VIDEOT KRYESORE TE DITES
    • VIDEO
    • BOLD BLOG
    • FOTOGRAFI
    • HOROSKOPI
    • NDRYSHE
    • RAJONI
    • BOTA
    • SOCIALE
  • ZGJEDHJE 2025

2025 Boldnews Dev By Techzero1.com