Vila luksoze e influencuesit kontrovers Andrew Tate në Rumani ‘bastiset nga policia që heton rrjetin ndërkombëtar të trafikimit të qenieve njerëzore’
Shtëpia luksoze e influencuesit kontraversal të rrjeteve sociale, Andrew Tate (i njohur ne rrjet si Top G) në Rumani është bastisur nga policia.
Lajmi bëhet i ditur nga media rumune Libertatea, e cilaa raporton se forcat e policisë kanë mësyrë në vilën luksoze të 36-vjeçarit dhe kanë vënë në pranga atë së bashku me të vëllain.
Andrew dhe vëllai i tij Tristan pritet të merren në pyetje nga njësia e krimit të organizuar dhe terrorizmit të vendit.
Në një deklaratë për shtyp të enjten, DICCOT – njësia e policies që heton krimin në Rumani tha se ata kishin bastisur pesë shtëpi pasi kishin marrë urdhër kontrolli.
Urdhër-arrestet u lëshuan në lidhje me një hetim në vazhdim për një grup të organizuar kriminal, të akuzuar për trafikim njerëzish dhe përdhunim.
Viktimat sipas policisë ishin vajza që rekrutoheshin nga dy shtetas britanikë (Andrew dhe Tristan Tate), të cilët më vonë i transportonin dhe i vendosnin ato në ndërtesa në qarkun Ilfov.
Gratë më pas dhunoheshin fizikisht dhe psikologjikisht duke u shfrytëzuar seksualisht nga anëtarët e grupit dhe duke i detyruar të kryejnë demonstrime pornografike me qëllim të prodhimit dhe shpërndarjes përmes platformave të mediave sociale.
Policia thotë se gjithsej gjashtë viktima janë paraqitur deri më tani duke pretenduar se janë shfrytëzuar seksualisht nga grupi i organizuar kriminal.
Policët nuk përmendën emrat e të arrestarve, shtëpitë e të cilëve u bastisën në Rumani, por media vendase konfirmon se kemi të bëjmë me Tate.
Ata thanë se katër personat janë marrë në pyetje të enjten, ndërsa policia ka urdhëruar ndalimin e të dyshuarve për 24 orë, pasi gjithashtu akuzoheshin se kishin rrëmbyer dy vajza.
Sipas Antena 3, autoritetet kontrolluan edhe një ish-police, e dyshuar si e përfshirë në çështjen e trafikimit të qenieve njerëzore. Gruaja u mor në pyetje së bashku me vëllezërit Tate.
Në muajin prill, dy vajza të reja, njëra prej të cilave me nënshtetësi amerikane, u gjetën në një vilë në Voluntari nga policia dhe prokurorët.
Ato pretendonin se ishin mbajtur me forcë nga dy vëllezërit britanikë. Më 11 prill, Tristan dhe Andrew Tate u morën në pyetje për pesë orë nga agjentët e DIICOT, por më pas u liruan me hetimet që vazhduan.
Sa i përket personazhit të rrjeteve sociale, i lindur në Çikago, Illinois, por i rritur në Luton, Angli, Tate ka fituar një reputacion të dyshimtë për aktivitetet e tij të ndryshme të biznesit.
Tristan dhe Andrew Tate janë praktikues të kikboksit, të cilët u transferuan në Rumani disa vite më parë.
Milioneri Tristan Tate njihet si ish-kampion i kikboksit dhe ish i dashuri i Bianca Dragusanu.
Së bashku me vëllain e tij Tristan, Andrew dyshohet se ngriti një biznes me kamera në Rumani, në të cilin modelet e reja u tregonin histori shikuesve meshkuj.
Pavarësisht se më parë tha se faqja ishte ‘një mashtrim total’, Tate pretendon se ka bërë miliona prej saj.
