Pas kontrollit në Aeroportin e Prishtinës “Adem Jashari”, Policia e Kosovës ka bërë të ditur se nuk ka hasur ndonjë mjet shpërthyes dhe se kanosja me mjete shpërthimi ka qenë alarm i rremë. Policia bën me dije se funksionimi dhe qarkullimi në aeroport i është kthyer normalitetit të plotë.
“Pas realizimit të kontrollit në objekte dhe hapësira të Aeroportit Ndërkombëtar “Adem Jashari” në Prishtinë, ka rezultuar se nuk ka ndonjë mjet shpërthyes dhe se kanosja me mjete shpërthyese ka qenë një alarm i rremë me qëllime të caktuara.
Pas përfundimit të kontrollit dhe punëve nga institucionet relevante, funksionimi dhe qarkullimi në aeroport i është kthyer normalitetit, andaj i falënderojmë qytetarët për mirëkuptimin dhe bashkëpunimin e treguar me institucionet e Republikës së Kosovës”, njoftoi policia.
