Çmimi i gjelit të detit është rritur, ndërsa numri i fermerëve që e rrisin është pakësuar në Lushnjë.
Në zonën e Darsisë ku një kilogram gjel shitet këtë vit 10 mijë lekë nga 8 mijë që ishte vjet, fermerët thonë se shpendin e festës e shtrenjtoi rritja e bazës ushqimore.
“Shumë pak ka kërkesa këtë vit nga rritja e çmimet. Çmimi rritet nga ushqimet për gjelat e detit. Kostot po rriten, ne po dalim me humbje”– shprehet një fermer për mikrofonin e Top Channel.
Ndërsa ka gjithnjë e më pak edhe blerës, çmimi nuk justifikon lodhjen e rritjes së shpendëve shprehen fermerët. ata thonë se u duhet të bëjnë edhe rojë natën nga frika e hajdutëve që vijnë për t’i vjedhur.
