Viktor da Silva vazhdon të ketë probleme fizike dhe të mos jetë në gjendje të stërvitet normalisht, aq më shumë të luajë në një ndeshje zyrtare me Partizanin.
Prej javësh ai vijon periudhën e riaftësimit, teksa ditën e djeshme braziliani duket se ka kërkuar zgjidhje te Vllaznia. Ai është paraqitur në klinikën e fizioterapistit të klubit shkodran, Ilirjan Haxhaja.
Mesa duket Da Silva ka shkuar të kërkojë ndihmë tek “armiqtë”, pasi ai kërkon të rikuperohet në kohë pikërisht për sfidën me shkodranët, e planifikuar të luhet më 14 janar.
