Vajza në foto është stjuardesa 24-vjeçare e cila humbi jetën tragjikisht më datë 21 dhjetor në aeroportin Stansted të Londrës. Viktima është identifikuar si Greta.D dhe është shqiptare. E ndjera dyshohet se pësoi infarkt gjatë udhëtimit me linjën ‘AIR ALBANIA’ në itinerarin nga Tirana në Londër.
Mediat britanike raportuan se 24-vjeçarja humbi ndjenjat dhe më pas ndërroi jetë kur aeroplani kishte mbërritur në Aeroportin Stansted në Angli.
Ngjarja e rëndë ka ndodhur rreth orës 13:00 të së mërkurës më 21 dhjetor. Shërbimi i ambulancës që e dërgoi vazjën në spitalin Princess Alexandra në Harlow, por mësohet se ajo nuk arriti të shpëtojë.
Një zëdhënës i policisë së Essex tha: “Ne i erdhëm në ndihmë kolegëve tanë në Manchester Airports Group dhe shërbimin e ambulancës në Aeroportin Stansted pasi u thirrëm për një shqetësim për për shëndetin e dikujt”.
“Indie” ka kontaktuar me Air Albania për detaje të mëtejshme, por nuk ka marrë përgjigje.
