Një subjekti Fast-Food në Tiranë i janë bllokuar më shumë se 500 kg mish nga ana e Autoritetit Kombëtar të Ushqimit, pasi ishte i papërshtatshëm për t’u konsumuar dhe mbahej jashtë çdo kriteri higjieno-sanitar.
Njoftimi i AKU:
Autoriteti Kombëtar i Ushqimit vijon kryerjen e kontrolleve me qëllim garantimin e shëndetit të konsumatorëve në këtë prag festash të ndërrimit të viteve.
Nga kontrolli i kryer në subjektin “V. Gj.”, me aktivitetit fast food, Tiranë, u konstatua se produkti gjiro përpunohej në kushte të papërshtashme higjieno – sanitare.
Si rrjedhojë nga ana e trupës inspektuese u bë bllokimi i këtij ambienti, ndaj subjektit u vendos masë administrative “gjobë” me vlerë 500 000 lekë si dhe u bllokua sasia prej 566 kg produkt gjiro për të cilat u krye marrje mostre për t’u analizuar për treguesit mikrobiologjik.
