Një ngjarje e rëndë ka ndodhur në një fast food në qytetin e Lushnjës, ku një 66-vjeçar në gjendje të dehur ka goditur me thikë kamerierin 22-vjeçar.
“Rreth orës 12:40, në ambientet e një fast food-i, në lagjen “Xhevdet Nepravishta”, dyshohet se gjatë një konflikti të çastit, për motive të dobëta, shtetasi A. C., 66 vjeç, në gjendje të dehur, ka goditur me mjet prerës (thikë), shtetasin L. M., 22 vjeç, kamarier në këtë fast food.”- njofton policia.
Policia ka kapur dhe shoqëruar shtetasin A. C., në Komisariat.
Kamarieri 22-vjeçar me iniciale L. M. po merr mjekim në spitalin e Lushnjës.
Po kryhen veprimet nga grupi hetimor, për zbardhjen e plotë të rrethanave të ngjarjes.
