Drejtori sportiv i klubit saudit, Al Nassr, Marcelo Salazar, ka folur sot rreth transferimit të Kristiano Ronaldos në radhët e këtij klubi. Ai bëri thirrje për durim, pasi një transferim i tillë, nuk ishte i thjesht për t’u realizuar.
“Nuk jam i autorizuar të them as po dhe as jo. Por është një negociatë e një magnitude të jashtëzakonshme.
Do të presim të shohim se si rrjedhin ngjarjet deri në fundin e vitit. Sicc mund ta kuptoni, bëhet fjalë për një negociatë të një magnitude të jashtëzakonshme, jo vetëm për klubin, por edhe për vendin dhe futbollin botëror dhe duhet të trajtohet nga instancat më të larta”, theksoi ai.
Ndërkohë, Salazar, i cili është me origjinë portugeze, theksoi se ishte e lehtë të kritikohej niveli i kampionatit në Arabinë Saudite, pa e ditur cilësinë e tij të vërtetë. “Jam këtu prej 5 vitesh dhe të gjithë lojtarët me të cilët kam folur janë surprizuar pozitivisht kur kanë ardhur këtu, sidomos për nivelin e ligës”, tha ai.
