Skuadra e Ankara Keciorenguçu, ku aktivizohen 3 futbollistët shqiptarë, Bekim Balaj, Jurgen Bardhi dhe Uerdi Mara, u rikthye te fitorja në kampionat, teksa mposhti Ejupsporin me përmbysje 2-1.
Titullarë në duelin e sotëm u aktivizuan Balaj dhe Bardhi, teksa ky i fundit ishte protagonist duke asistuar te goli i dytë i shënuar nga Inan në minutën e 71-të.
Ndërkohë për sa i përket mesfushorit Mara, ai e ndoqi këtë duel nga stoli. Me këtë triumf të arritur ditën e sotme, Keciorenguçu, u ngjit në vendin e dytë me 32 pikë, 6 më pak se kryesuesit e Ejupsporit.
Vlen të theksohet fakti se skuadra e shqiptarëve, dy ditë më parë ndryshoi edhe trajnerin, teksa ky fakt duket se ka ndikuar për mirë.
