Banorët që jetojnë te pallati, i cili është vendosur për tu shembur pranë “Petro Nini Luarasit”, kanë kërkuar që t’i jepet një banesë për të jetuar. Ata refuzojnë të dalin nga hyrjet e tyre, teksa shprehen se nuk kanë ku të shkojnë.
Një nga banorët tha se policia ka shoqëruar 2 djem që bënë rezistencë për të liruar shtëpinë, ndërsa i beri apel shtetit që të mos i lërë në mes të rrugës.
“S’kemi ku të shkojmë, kanë ardhur me vendimin e 2013-ës për të lënë banesën. Erdhi policia, se kuptoj pse erdhën me vendimin e këtij viti. Njëherë erdhën se gjasme është gati për tu shembur për shkak të tërmetit, e vërteta doli se s’ka lidhje me këtë punë, ëstë në rregull pallati. Morëm sizmik tjetër vetë, thanë që është e rregullt s’ka probleme. Na kërkojnë pronën, thonë e kemi nga gjyshi. Ne s’duam të dalim nga shtëpia. Mua ma kanë shkatërruar shtëpinë, e bënë copa copa. Disa familje dolën dhe u futën në bodrum, u rikthen prap pastaj. Janë 7 familje brenda nga 13-të. Neve na morën dhe 2 djem, i morën në polici, i izoluan ndoshta ngaqë bënë rezistencë tek dera.
Policia do vazhdojë vendimin e gjykatës, s’kemi punë me policinë. Ata që drejtojnë policinë duhet të kuptojnë se kjo është e padrejtë. S’duhet vepruar kështu. Kërkojmë të kemi një shtëpi tjetër, s’ka rëndësi nëse nuk është këtu, por jo në rrugë të madhe”, tha banori.
