Përplasja e ashpër midis depuetëve të Partisë Demokratike dhe Enkelejd Alibeaj pas vendimit të tij për përjashtuar nga Grupi Parlamentar 4 deputetët Albana Vokshi, Edmond Spaho, Flamur Noka dhe Luan Baçi është komentuar edhe në studiot televizive mbrëmjen e sotme.
Teksa fliste për këtë vendim, deputeti i Partisë Demokratike Ervin Salianji tha se ai ka shkëputur çdo komunikim me Enkelejd Alibeajn, që pretendon se është kryetar i PD në detyrë.
I ftuar në emisionin “Të Paekspozuarit”, Salianji tha se në vendimarrjet e grupit parlamentar, që drejtohet nga Alibeaj, luhet për interesa personale dhe shkelen vendimet e grupit, ndaj dhe nuk kishte asnjë komunikim me të.
“Një nga arsyet pse nuk kam komunikim, janë vendimarrjet, ku luhet për interesa personale dhe ku shkelen vendimet e grupit. Nuk kam komuikim Nuk është ndarja e grupit parlamentar sot, pro Berisha apo pro Alibeaj. Duhen bërë përpjekje për bashkim. E di cila do të ishte rruga më e poshtër? Të rrinin deputetët pa interesa me asnjë palë, të bënin sikur rrinin nëpër dyer, të prisnin zgjedhjet lokale. Zgjidhja është të bashkohemi. Nëse mendoni se jemi të bashkuar kështu, nuk e paskam kuptuar unë pra”, tha ai.
