Një aksident me vdekje ka ndodhur në aksin rrugor Elbasan-Peqin.
Burime zyrtare nga policia bënë me dije këtë të Enjte se është gjetur i pajetë një person i seksit mashkull, ende i paidentifikuar. Sipas hetimeve parapake, ai është përplasur nga një automjet, duke i shkaktuar vdekjen.
“Në aksin rrugor Elbasan-Peqin, në fshatin Paper, është gjetur i pajetë, në rrugë, një shtetas ende i paidentifikuar. Nga veprimet hetimore paraprake dyshohet se ky shtetas ka humbur jetën pasi është aksidentuar nga një drejtues automjeti, ende i paidentifikuar, i cili është larguar nga vendngjarja”, njofton policia.
Të njëjtat burime shtuan se grupi hetimor po punon për zbardhjen e rrethanave të aksidentit, identifikimin e viktimës, identifikimin dhe kapjen e drejtuesit të automjetit, ndërsa materialet i kaluan Prokurorisë pranë Gjykatës së Shkallës së parë Elbasan, për veprime të mëtejshme.
