Replika gjatë seancës plenare të kësaj të Enjteje mes kreut të grupit parlamentar socialist Taulant Balla dhe deputetit demokrat Dash Sula.
Ishte fillimisht deputeti demokrat i cili shprehu shqetësimin për largimin e shqiptarëve nga Atdheu, mungesën e furnizimit me energji elektrike dhe ujë të pijshëm.
Në përgjigje Balla tha se situata ka ardhur duke u përmirësuar.
Sula më pas e ftoi Ballën të kryenin një vëzhgim së bashku. Ai tha se nga fshatat njerëzit janë larguar, ndërsa shtoi se për këtë shkak kanë mbetur ullinjtë pa vjelë. “Hajde po gjete më shumë se 10 drita në fshatrat tona”, shtoi.
“Nuk kemi njerëz, po të ishin mirë këtu nuk iknin. Daja im pësoi parainfrakt dje, do detyrohem unë të vetë prapë sot, se ka gjashtë fëmijë, i ka të gjithë jashtë”, u shpreh.
Ai shtoi se Bashkia Peqin ka 4 muaj që nuk merr rrogat.
Po ashtu, e quajti Ballën “deputeti i haremit”. Një ditë më parë në rrjetet sociale, qarkulloi një video ku kreu i grupit parlamentar socialist këndonte gjatë një mbrëmjeje.
