Këtë të enjte, Gjykata e Apelit Tiranë e shtyu serish vendimmarrjen për ankimin e Enkelejd Alibeajt, i cili ka kërkuar që vendimet e kuvendeve të 17 korrikut dhe 18 dhjetorit të regjistrohen bashkë.
Seanca nisi në orën 09:00, ndërsa u vendos që vendimarrja të shtyhet për në 17 janar të vitit 2023.
Ndërkohë, nga grupi Alibeaj është depozituar kërkesë për përjashtim të gjyqtares Irida Kacerja. Gjyqtarja relatore nuk vlerësoi se kishte shkaqe papajtueshmërie.
Kujtojmë se ankimi është bërë nga grupimi “Alibeaj”, kundër vendimit të Gjykatës së Tiranës, që refuzoi të regjistronte bashkë edhe ndryshimet statutore të kuvendit të 17 korrikut të kaluar, edhe ato të 18 dhjetorit, të thirrura nga Lulzim Basha.
