Ka nisur me debate të forta seanca parlamentare pasi deputeti i PD-së, Flamur Noka ka kërkuar “llogari” për përjashtimin e tij nga grupi parlamentar i kësaj force politike.
Noka paralajmëroi padi në Gjykatën Kushtetuese për kryeparlamentaren Lindita Nikolla e cila u justifikua duke thënë se kjo është një vendimmarrje e grupit parlamentar.
Debati (Noka-Nikolla):
Flamur Ndoka: Kushtetua, ligjet dhe rregullorja nuk zbatohet. Emri im shkruhet jashtë grupeve parlamentare. Ju vazhdoni të thoni se kush është kreu i kësaj force, i kërkova KQZ me thirrje, më dërguan një listë, emri im është me Berishën, Vokshin, Spahon.. në listën e PD. Zonjë më nxirr dokumentin ku unë kërkova të jem jashtë grupeve parlamentare, apo unë të iki nga PD. Më nxirr një vendim që na ka shpallur armik, ndryshe që nga nesër do të bëj gati një padi në GJK për shkelje të ligjit dhe rregullores, për sjelljen në Kuvend.
Nikolla: Nuk është cështje e Kushtetutës dhe e Kodit Zgjedhor, por e grupit parlamentar. Kjo është cështje e brendshme e PD. E kam këtu dhe vendimin që vendos këtu për përjashtimin tuaj. Nuk është në rendin e ditës veprimtaria e PD.
Më pas ka pasur debate dhe kundërshti nga deputetët e PD dhe akuza ndaj Alibeajt, i cili e ka quajtur Nokën ‘legen’.
Debati (Noka-Alibeaj):
Alibeaj: Je kokrra e legenit
Flamur Noka: Je kokrra e legenit, ta tregoj unë pastaj. Këtu, këtu. Do vij të ta tregoj ty edhe atij tjetrit.
