Një operacion i madh anti-drogë është realizuar në Belgjikë, ku është goditur një grup i trafikut të drogës.
Sipas mediave lokale, në pranga kanë rënë 4 persona, shqiptarë dhe rumunë, si dhe është sekuestruar një sasi prej 1 ton e gjysmë kokainë.
Kokaina u gjet e fshehur mes pjesëve të një automjeti dhe të arrestuarit rrezikojnë deri në 7 vite burg.
Nëse sasia e drogës së konfiskuar do të hidhej në treg, ajo vlerësohet se do të gjeneronte rreth 43 milion euro.
Grupi kriminal kryente transportin e drogës mes Belgjikës dhe Anglisë, ndërsa ranë në gjurmët e autoriteteve pas një kontrolli të kryer në Francë, në kuadër të operacionit “Sky”, ku agjentët zbuluan një telefon me qindra mesazhe mes trafikantëve.
