Policia e Vlorës ka reaguar në lidhje me zjarrin që përfshiu mëngjesin e sotëm një vendgrumbullim me goma të përdorura, duke shkaktuar ndotje të madhe në gjithë qytetin bregdetar.
Burime zyrtare nga policia bëjnë me dije se ngjarja ndodhi rreth orës 09:10, në lagjen “24 Maji”, ndërsa zjarri kishte rënë pranë hidrovorit dhe si pasojë e përhapjes së flakëve po digjen disa goma automjetesh.
Në vijim të veprimeve, shërbimet e Policisë kanë shoqëruar 4 persona, për t’i pyetur në lidhje me këtë ngjarje.
Grupi hetimor ndodhet në vendngjarje dhe po kryen veprimet për zbardhjen e plotë të rrethanave të ngjarjes.
