Aleanca për Mbrojtjen e Teatrit Kombëtar, ka lajmëruar protëstë ditën e nesërme, për të ndaluar fillimin e punimeve për ndërtimin e Teatrit të ri.
Përmes një postimi në rrjete sociale, Aleanca për Mbrojtjen e Teatrit, i bën thirrje qytetarëve dhe opozitës që të protestojnë tek sheshi i Teatrit Kombëtar.
Aleanca për Mbrojtjen e Teatrit shprehet se nuk ka leje ndërtimi për Teatrin e ri ndërsa shton se po veprohet në shkelje të ligjit nga banditi Erion Veliaj i cili ka marrë urdhër nga Edi Rama.
Reagimi i Aleancës për Mbrojtjen e Teatrit Kombëtar
Të nderuar Qendrestarë, Mbështetës dhe Miq të Kauzës së Teatrit Kombëtar. Sapo jemi njoftuar se nësër më datë 21 dhjetor, ora 10.00 banditi që drejton Bashkinë Tiranë, nën urdhërat e drejtuesit të grupit të strukturuar kriminal Edvin Kristaq Rama, në bashkëpunim me mafien e betonit dhe ata artistë që firmosën shembjen e Teatrit Kombëtar, në kundërshtim me vendimin e Gjykatës Kushtetuese lidhur me Teatrin Kombëtar si dhe në shkelje të plotë të dispozitave ligjore në fuqi, ka njoftuar administratën e “Teatrit Kombëtar” se do fillojë punimet e Teatrit të Ri:
- Ndërkohë që nuk është ekzekutuar vendimi Nr.29 datë 2 korrik 2021.
- Çështja e shembjes dhe çështja korruptive e projektit dhe e ndërtimit po hetohet nga SPAK
3 Nuk ka Leje Ndërtimi për Teatein e Ri.
- Aty do ndërtohen kulla të pastrimit të parave.
- Edhe Kontrolli i Lartë i Shtetit ka kërkuar rindërtimin e Teatrit Aty Dhe Ashtu Siç Ishte.
Në këto kushte, e quajmë të nevojshme të jemi bashkë nesër te Sheshi i Teatrit Kombëtar për të mos lejuar fillimin e punimeve. I bëjmë thirrje Opozitës të na bashkohet dhe SPAK-ut të veprojë në përputhje me parashikimet ligjore.
Ne nuk do e lejojmë ngritjen e kullave të parave të pista në Sheshin e Teatrit Kombëtar. Po kështu, i bëjmë thirrje firmave që kanë “përfituar” tenderin e ndërtimit të tërhiqen me nder, pasi turpi do i ndjekë pas ata dhe fëmijët e tyre.
O sot o kurrë.
Bashkë ja dalim.
Teatri Aty Dhe Ashtu Siç Ishte
