Bordi i krijuar me vendim qeverie për caktimin e çmimit tavan të tregtimit të karburanteve, ka vendosur uljen e lehtë të çmimit të naftës dhe benzinës.
Referuar vendimit, nafta do të shitet në pompa me 199 Lekë për Litër nga 202 që është aktualisht.
Benzina ulet me vetëm 1 Lekë nga dhe nga 178 Lekë/Litër do të tregtohet me 177 Leke për Litër.
Mbetet i pandryshuar çmimi i gazit me 71 Lekë/Litri.
“Referuar të dhënave lidhur me bursën Platts të datës 19.12.2022, kemi ndryshime të çmimit nga ai përcaktuar në mbledhjen e fundit, konkretisht rezulton se çmimi (FOB/MED $ Ton) i Benzinës është 716, +19 nga data 13.12.2022, $/ Ton, ndërsa çmimi i Gazoilit/Diesel është 855, -11 nga data 13.12.2022, $/Ton. Kursi i këmbimit i BSH ka pësuar ulje të lehtë në 108. 26 (-1.5 nga data 13.12.2022. Çmimet e caktuara nga Bordi do të hynë në fuqi në datë 20 dhjetor, ora 18.00, dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes”, thuhet në njoftimin e ministrisë së Financave dhe Ekonomisë.
Vendimet e bordit janë kritikuar shpesh nga ekspertë dhe opozita, që e ka cilësuar një ent që po vjedh shqiptarët dhe ka kërkuar shkrirjen e tij.
Ndërkohë, çmimet e karburanteve në vend vijojnë të jenë ndër më të shtrenjtat në botë. Për këtë efekt dhe taksat mbi karburantet, të cilat kryeministri Edi Rama ka refuzuar ti heqë apo ulë.
