Kryeministri grek Kiriakos Mitsotakis do të rikthehet në Shqipëri me 22 dhjetor në mëngjes për të vijuar me takimet që nuk u zhvilluan me 6 dhjetor.
Shefi i qeverisë së vendit fqinj nuk do të jetë në kryeqyetin shqiptar, por vizita e tij do të përqendrohet në jug të vendit, Himarë, Finiq dhe Dropull.
Sipas mediave greke, Mitsotakis do të jetë në Himarë në orën 9:30 të mëngjesit të së enjtes përballë zyrave të Omonias.
Më pas do të vizitojë një shkollë, kishën e fshati dhe takime me qytetarët e minoritetit greke në këto zona. Raportohet se në disa prej këtyre takimeve kryeministri grek do të shoqërohet edhe nga homologu shqiptar Edi Rama.
