SPAK kërkon dënimin me 19 vite burg për Gentian Malindin i akuzuar për trafik droge – rasti i 137 kg kokaine nga Ekuadori.
Për shkak të gjykimit të shkurtuar, pretenca ulet në 12.9 vite.
Ai u arrestua dy muaj më parë, pasi ishte shpallur në kërkim në 2019-ën. Ndaj 46-vjeçarit ishte ishte lëshuar urdhër-arresti nga SPAK i dyshuar si pjesëtar i një grupi të strukturuar kriminal që trafikoi drejt Shqipërisë 137 kg lëndë narkotike kokainë në vitin 2019, i akuzuar për veprat penale: “Trafikimi i narkotikëve”, kryer në bashkëpunim, “Grupi i strukturuar kriminal” dhe “Kryerja e veprave penale nga organizata kriminale dhe grup i strukturuar kriminal”.
Në momentin e ndalimit policia tha se Malindit iu u sekuestruan shuma parash dhe dy mjete identifikimi të dyshuara të falsifikuara, të ky shtetas i mbante me vete si dhe automjeti me të cilin po lëvizte.
Sipas dosjes hetimore Gentian Malindi së bashku më dy persona të tjerë akuzohen si trafikantë të një sasie prej 137 kg kokainë nga Ekuadori. Hetimi për këtë sasi nisi nga autoritetet në Athinë si dhe nga DEA amerikane e cila zbuloi ngarkesën në portin e Pireut.
Në kontenierin e porositur nga Malindi agjentët e huaj vendosën një pajisje GPS me qëllim ndjekjen e ngarkesës.
Në portin e Pireut në Greqi sasia e kokainës u zëvëndësua me oriz duke lënë vetëm një pako me lëndë narkotike.
