Deputetja e PD, Jorida Tabaku ka përcjellë një mesazh në Ditën e Diasporës.
Tabaku me anë të një postimi në rrjetet sociale shkruan se diaspora shqiptare është e treta më e madhe në botë dhe se vazhdon çdo ditë të rinjtë të largohen nga vendi.
Ajo shkruan se është shumë e domosdoshme që të kemi një ligj që i mundëson atyre votën dhe gjithashtu një mundësi për të afruar më shumë diasporën në Shqipëri.
Postimi i plotë i Tabakut:
Diaspora është një pasuri për atdheun dhe shoqërinë. 🫶🇦🇱💙
Fatkeqësisht 😔 diaspora shqiptare 🇦🇱 është e treta më e madhe në botë; dhe është fakt që shqiptarët po largohen dhe ne nuk mund të lejojmë që kjo të ndodhë më!
👉Sot është shumë e domosdoshme që ne të kemi një ligj që i mundëson atyre votën që zëri tyre të dëgjohet dhe gjithashtu një mundësi për të afruar më shumë diasporën në Shqipëri.
Shqiperia ka nisur rrugën drejt BE 🇪🇺 përmes hapjes së negociatave, prandaj diaspora mund dhe është e aftë që të kontribuojë për të ndërtuar Europën këtu. 🇦🇱🫶🇪🇺
Ne na shërben shembulli më i mirë dhe përvoja e atyre që kanë mundur të shkëlqejnë për të ndërtuar Europën këtu!
Shembull të tillë na e ofron diaspora e cila për vite ka kontribuar në imazhin e vendit tonë, më mirë se kushdo përfshirë edhe politikën dhe padyshim ka qenë ambasadorja jonë më e mirë.❤️💙
Ta shfrytëzojmë këtë moment transformues të kombit dhe shtetit tonë për të afruar diasporën dhe për ta ndërtuar Europën këtu! ”
