Detaje të reja janë zbardhur nga përplasja mes të rinjve dhe adoleshentëve në Cerrik.
Policia ka arrestuar Klodian Xhavari, 22 vjeç, Diamant Pupuleku, 25 vjeç dhe Gurali Shkoza 21 vjeç, banues në Cërrik, për veprën penale “Plagosja e lehtë me dashje”, kryer në bashkëpunim, pasi këta shtetas kanë goditur me grushte, 3 shtetas të mitur, 15 dhe 16 vjeç.
Bëhet me dije se të rinjtë në bashkëpunim me njëri-tjetrin kanë marrë peng tre të miturit e moshave 15-16 vjeçarë, ku mes tyre ishte dhe një vajzë dhe në dalje të Cërrikut i kanë goditur me grushte e shkelma duke u shkaktuar dëmtime të lehta dhe më pas i kanë lënë të lirë.
Përplasja mes të rinjve dhe adoleshentëve ka ndodhur për shkaqe xhelozie, raporton News24.
“Specialistët e Seksionit për Hetimin e Krimeve të Komisariatit të Policisë Cërrik arrestuan në flagrancë shtetasit K. Xh., 22 vjeç, D. P., 25 vjeç dhe G. Sh., 21 vjeç, banues në Cërrik, për veprën penale “Plagosja e lehtë me dashje”, kryer në bashkëpunim, pasi këta shtetas kanë goditur me grushte, 3 shtetas të mitur, 15 dhe 16 vjeç”,thuhet në njoftimin e policisë.
