Po luhet pjesa e dytë e finales Argjentinë-Francë, me latino-amerikanët që kryesojnë 2-0 falë golave të Messit dje Di Marias në fraksionin e parë të lojës.
Në minutën e 49-të, Argjentina fiton topin me lehtësi në mesfushë dhe nis një aksion me Mesin i cili pason majtas për Di Marian. Topi i tij në anën tjetër për De Pol gjen gjuajtjen fluturimthi të mesfushorit por Loris është në pozicion.
Ndërkohë disa minuta më pas, Franca rrezikon me një goditje këndi që harkohet në zonë nga Griezman, Martinez del dhe kontrollon topin. Rabio ndëshkohet me karton të verdhë pas një faulli në mesfushë ndaj De Pol.
Argjentina kërkon golin e “knock-outit”, teksa në të 59-n Alvarez shpërthen në krahun e majtë dhe lëshon një gjuajtje të fortë, por Loris përgjigjet i vëmendshëm në shtyllën e tij.
Mbappe tërësisht në hije në këtë finale provon të shfaqet në minutën e 71-të. Sulmuesi hyn në zonë nga e majta dhe provon për herë të parë në këtë ndeshje të gjuajë në portë, por fluturon topin mbi traversë.
