Një oficere e korruptuar e burgjeve është dënuar me 8 muaj qëndrim pasa hekurave, pasi kolegët e saj zbuluan se ajo kishte krijuar një lidhje dashurie me të burgosurin Alex Coxon (tanimë 25 vjeç).
Jennifer Gavan (27 vjeçe) nga Llay i Wrexham raportohet se ra në dashuri me të burgosurin teksa shërbente në në një burg për burra dhe i dërgonte atij video me përmbajtje seksuale në një telefon që e futi kontrabandë, për të në qeli.
Lidhja e tyre e dashurisë ka zgjatur nga prilli i viti 2020 deri në korrik.
Sakaq, ish-efektivja e HMP Berwyn u përlot teksa u deklarua fajtore për sjellje të pahijshme në postin publik, teksa shërbente në burgun modern me 2,000 të burgosur në qytetin e Uellsit.
Gjykatësi Niclas Parry tha se kishte referenca për të, por ai deklaroi: “Unë shpreh habinë time që punonjësit në HMP Berwyn po shkruajnë në mbështetje të saj dhe janë kritikë ndaj punonjësve të tjerë në Berëyn. Kjo është një çështje që mendoj se duhet të vihet në vëmendje të autoriteteve të burgut”.
Prokurori David Mainstone në gjykatën e Mold tha se autoritetet e burgut morën informacione për një marrëdhënie të mundshme. Një telefon u gjet i fshehur nën një kompjuter portativ burgu në qelinë e Coxon dhe u zbuluan imazhe që atij i ishin dërguar nga oficerja Gavan.
Edhe ajo e pranoi kontaktin me të duke përdorur rrjetin social Snapchat, teksa i dërgonte një foto të vetën me përmbajtje seksuale dhe një tjetër duke e puthur të burgosurin.
