Moti i keq me reshje të dendura shiu, ka shkaktuar problematika në qarkullimin e mjeteve, banorëve dhe sektorin e bujqësisë, në vend.
Problemet janë raportuar në Kukës, në lagjen Kënetë, ku 7 shtëpi Kukësit janë bllokuar për shkak të rrëshqitjes së dherave në rrugë dhe dëmtimit të trasesë së rrugës nga vërshimi i ujërave duke krijuar kanale.
Ndërkohë nga mungesa e kolektorëve ujërat e aeroportit të Kukësit kanë shkaktuar përmbytje të sipërfaqeve të konsiderueshme të tokave bujqësore në fushën e Shtiqnit. Dëmet janë evidente në kulturën e grurit dhe jonxhës.
