Dhjetë persona, përfshirë pesë fëmijë, kanë humbur jetën në një zjarr në një pallat pranë Lionit të Francës. Policia bëri të ditur se në orën 06:30 se një “zjarr i madh” shpërtheu në një bllok apartamentesh shtatëkatëshe në Vaulx-en-Velin, raporton BBC.
Përveç numrit të të vdekurve, ata thanë se katër persona kanë mbetur në gjendje kritike dhe 10 të tjerë kishin raportuar lëndime të lehta.
Në vendngjarje janë 170 zjarrfikës. Një kordon sigurie është ngritur në vendin ku ka rënë zjarri. Puna për shuarjen e zjarrit dhe për nxjerrjen e personave nga godina po vijon.
Sipas mediave, fëmijët që humbën jetën janë të moshave nga 5-15 vjeç. Autoritetet franceze kanë nisur hetimet për të zbuluar shkaqet e kësaj tregjedie të rëndë që u mori jetën dhejtë qytetarëve. Banorët e zonës ka thënë se shpërthimi i zjarrit i zgjoi nga gjumi dhe se dëgjuan britma dhe ulërima fëmijësh.
“Dëgjuam britma, ulërima të fëmijëve. Kur hapëm dritaret, pamë tymin që dilte nga pallati, zbritëm menjëherë poshtë”, ka thënë një fqinj, raporton The Guardian.
#Incendie à @vaulxenvelin69 dans un immeuble d'habitation ce vendredi 16 décembre 2022.
Point de situation à 06h30 ⤵️ pic.twitter.com/FioOtXvCdI— Préfet de région Auvergne-Rhône-Alpes et du Rhône (@prefetrhone) December 16, 2022
