“Nëse do të mbahej një referendum për bashkimin e Kosovës dhe Shqipërisë në një shtet të vetëm, ju personalisht si do të votonit?“.
Kjo është pyetja e sondazhit e cila i është drejtuar qytetarëve nga emisioni “Debat Plus” në RTV Dukagjini, për qytetarët e Kosovës dhe 60.3% e pjesëmarrësve në sondazh kanë votuar pro bashkimit në një shtet të vetë.
Sipas sondazhit 31.2% e qytetarëve në Kosovë janë shprehur kundër, 8% janë përgjigjur me nuk e di, ndërsa 0.4% kanë refuzuar të përgjigjen.
E njëjta pyetje e sondazhit i është drejtuar edhe qytetarëve me kombësi shqiptare, ku bie në sy se përqindja e atyre që duan bashkimin është më e lartë se në Kosovë, me 63.5% që janë përgjigjur pro.
Vetëm 28.1% janë kundër, ndërsa 8.1% janë përgjigjur me nuk e di dhe 0.3%, kanë refuzuar të përgjigjen.
Në ndarjen sipas gjinisë, 57.4% pro kanë votuar gratë dhe 63.4% burrat.
sa i përket votës kundër sipas gjinisë janë 32.6% gratë dhe 29.7% burrat.
Ndërkohë pyetjes: “Nëse do të mbahej një referendum për bashkimin e Kosovës dhe Shqipërisë në një shtet të vetëm, si mendoni se do të votonin shqiptarët nga Shqipëria?“, në Kosovë 45.4%, e qytetarëve janë shprehur se në Shqipëri do të votonin pro dhe 33.2% kundër. Sakaq, nuk e di janë shprehur 21.1%.
