Sot është një ditë e trishtë për Forcat e Armatosura.
Ministria e Mbrojtjes ka bërë me dije se një nga efektivët ka ndërruar jetë në moshë të re pas një beteje të gjatë me një sëmundje të rëndë. Ernesto Leka ka humbur jetën në një nga spitalet e Turqisë.
“Të pikëlluar nga humbja e jetës së një prej djemve tanë të mirë, ushtarit të dytë të Bazës së mbeshtetjes dhe emregjencave Civile, Ernesto Leka. Pavarësisht përpjekjeve të familjarëve dhe Ministrisë së Mbrojtjes, ai nuk mundi t’ia dalë në betejën me sëmundjen e rëndë, duke mbyllur sytë, në një moshë kaq të re, në një nga spitalet e Turqisë. Ngushëllime nga zemra familjes së Ernestit e kolegëve të tij!”, shkruan Ministria e Mbrojtjes.
